کراچی (سپورٹس ڈیسک) قومی کرکٹ ٹیم کے فاسٹ بولر حارث رئوف نے پاکستانی شوبر انڈسٹری میں اپنی پسندیدہ اداکارہ کے حوالے سے بتایا ہے۔ٹی ٹوئنٹی ورلڈکپ میں نیوزی لینڈ کیخلاف کھیلے جانے والے میچ میں شاندار کارکردگی کا مظاہرہ کرنے والے حارث رئوف کی ایک مختصر ویڈیو سوشل میڈیا کے مختلف پلیٹ فارمز پر زیر گردش ہے۔
ویڈیو میں فاسٹ بولر کو 3 اداکاراں کے نام کے آپشنز دیے گئے اور سوال پوچھا گیا کہ اگر آپ کو موقع ملے تو آپ ماہرہ خان، ماورہ حسین اور مہوش حیات میں سے کس اداکارہ کے ساتھ ڈنر پر جانا چاہیں گے۔حارث نے پہلے کچھ سوچا اور پھر دو ٹوک انداز میں جواب دیا کہ میں اِن تینوں میں سے کسی کے ساتھ ڈنر پر نہیں جائوں گا۔کرکٹر نے کہا کہ اگر مجھے ڈنر کرنا ہوا تو میں اداکارہ ‘مایا علی’ کے ساتھ کروں گا۔
انہوں نے مزید کہا کہ کسی دوسرے ملک ڈنر کیلئے نہیں جانا چاہوں گا، پاکستان میں ہی کروں گا کیونکہ پاکستان سب سے اچھا ملک ہے۔حارث رئوف کی اس ویڈیو سے مداح خوب محظوظ ہوئے، کچھ افراد نے کرکٹر کی پسند کی بھی تعریف کی جب کہ متعدد نے فاسٹ بولر کی جانب سے پاکستان کو ترجیح دینے اور اسے سب سے اچھا ملک کہنے پر سراہا۔
