لاس ویگاس (سپورٹس ڈیسک) امریکن نژاد پاکستانی مارشل آرٹ پلئیر حاشر خالد راجہ نے عالمی مقابلے میں سلور میڈل جیت لیا ہے۔لاس ویگاس سے آمدہ اطلاعات کے مطابق پاکستانی ابھرتے ہوئےانٹرنیشنل اسٹار حاشر خالد راجہ نے لاس ویگاس امریکہ میں منعقدہ عالمی مارشل آرٹ جوجستو مقابلوں میں چاندی کا تمغہ جیت لیا ہے۔
حاشر خالدنے امریکہ میں جاری عالمی مقابلوں میں یہ کارنامہ انجام دیکر چیمپیئن شپ میں چاندی کا تمغہ حاصل کیا۔ حاشر خالد راجہ معروف پاکستانی کراٹے ماسٹر شیہان راجہ خالد جنجوعہ کے صاحبزادے ہیں جوپاکستان سوکشن فیڈریشن کے صدر اور راجاز مارشل آرٹس سو کیوکشن سوک سینٹر فیز 4 بحریہ ٹاؤن اسلام آباد کے چیف ایگزیکٹو بھی ہیں۔حاشر خالد راجہ نے تین میں سے 2 فائٹ جیت کر دوسری نمبرکے ساتھ سلور میڈل جیتا۔
ان مقابلوں میں دنیا بھر سے 200 سے زائد کھلاڑیوں نے مختلف ویٹ کٹیگریوں میں شرکت کی۔
سپر ہیوی ویٹ میں کینتھ سلوسٹر،مڈل ہیوی ویٹ میں انڈریز کرسٹوفر میں کامیاب رہے جبکہ خواتین کا ٹائٹل ایزبیل انجیلینہ،لائٹ ویٹ مقابلہ وکٹوریہ الوریز اور ہیوی ویٹ ٹائٹل سمانتھا زپیڈا نے جیتا۔
عالمی جوجسٹو چیمپئین شپ بین الاقوامی جوجسٹو فیڈریشن کے زیر اہتمام سب سے بڑے ایونٹس تھے۔
اس سال منتظمین نے انٹرنیشنل نوائس جوجسٹو چیمپئین شپ، کڈز انٹرنیشنل جوجسٹوچیمپئین شپ ، اور لاس ویگاس سمر انٹرنیشنل اوپن چیمپئین شپ کو شامل کر کے چار ٹورنامنٹس کو یکجا کر دیا۔
لاس ویگاس کنونشن سینٹر یو ایس اے میں منعقدہ میگا ایونٹ میں دنیا بھر میں 8000 سے زائد رجسٹرڈ کھلاڑیوں نے حصہ لیا۔
واضح رہے کہ مارشل آرٹ کا اسٹائل جوجسٹو دُنیا میں مقبول ترین کھیل ہے، مارشل آرٹ کاا سٹائل جوجسٹو سیلف ڈیفنس اور فزیکل فٹنس کیلئے بہترین کھیل ہے ،مارشل آرٹ کاا سٹائل جوجسٹو لڑکیوں کیلئے بہترین اور محفوظ کھیل ہے کیونکہ اس سے لڑکیاں جسمانی اور ذہنی دونوں طرح سے مضبوط ہوتی ہے اور اس کھیل سے لڑکیوں کے اندر خود اعتمادی پیدا ہوتی ہے جس کے بل بوتے پر وہ کسی بھی ہنگامی حالات میں خوداپنی حفاظت کرنے کے قابل ہوتی ہیں۔جوجسٹوآج پاکستان میں بھی مقبول ترین کھیل ہے اور پاکستانی کھلاڑیوں نے جوجسٹو کے انٹرنیشنل مقابلوں میں میڈلز جیت کر ملک و قوم کا نام روشن کیا ،جوجسٹوکے کھیل کا معیار بلند کرنے کیلئے ہم ایک ماسٹر پلان تیار ہےجس پر عملدرآمد شروع ہونے سے پاکستان جوجسٹو ٹیم کو نیا ٹیلنٹ ملے گا۔
یاد رہے کہ رواں سال پاکستان نے آن لائن ورلڈ جوجسٹو مقابلوں میں گولڈ اور سلور میڈل جیتا تھا۔
انٹرنیشنل لیگ ابو ظہبی جوجسٹو پرو پاکستان میں بھی ہوگی،فرنچائز پاکستان کو مل گئی کھلاڑی بغیر فیس کے پاکستان میں ہی انٹرنیشل ایونٹ میں شرکت کرسکیں گے۔
انٹرنیشنل لیگ میں کھیلنے کے باعث کھلاڑی عالمی رینکنگ بہتر بناتے ہوئے اولمپکس میں کوالیفائی کرسکیں گے۔
