اداکار سلمان فیصل اور نیہا ملک کے ہاں بیٹے کی پیدائش

کراچی (شوبز ڈیسک)سینئر اداکارہ صبا فیصل کے بیٹے اداکار سلمان فیصل اور نیہا کے ہاں بیٹے کی پیدائش ہوئی ہے ۔
اداکار سلمان فیصل کی اہلیہ نیہا ملک نے اپنے انسٹاگرام پوسٹ میں بتایا کہ ان کے ہاں بیٹے کی پیدائش ہوئی ہے جس کا نام روحان رکھا گیا ہے ۔
اداکار کی اہلیہ پوسٹ میں لکھا کہ اللہ کا شکر ہے جس نے مجھے ایک ننھے فرشتے سے نوازا ہے، میرا بیٹا روحان اور میری واحد حقیقی خوشی ہے، اللہ اس ننھے بچے کو صحت اور لمبی عمر عطا فرمائے۔
A post shared by Neha Malik (@neha666)
اپنی پوسٹ میں انہوں اپنے شوہر سلمان فیصل کو ٹیگ کرتے ہوئے ان کا شکریہ بھی ادا کیا۔
یاد رہے کہ گزشتہ ماہ اداکار سلمان فیصل کی اہلیہ نیہا ملک نے طلاق کی افواہوں پر تین ماہ بعد وضاحت دیتے ہوئے کہا تھا کہ وہ شوہر کے ساتھ خوشگوار زندگی گزار رہی ہیں۔
سلمان فیصل اور نیہا ملک کی طلاق کی افواہیں رواں برس جولائی میں عید الاضحیٰ کے موقع پر صبا فیصل کی جانب سے بہو کے بغیر اہل خانہ کے ہمراہ تصویر شیئر کرنے کے بعد پھیلی تھیں۔
صبا فیصل نے عیدالاضحیٰ کے موقع پر بیٹی سعدیہ فیصل، بیٹے سلمان اور ارسلان سمیت شوہر اور دیگر اہل خانہ کے ہمراہ تصاویر شیئر کی تھیں مگر ان تصاویر میں ان کی بہو دکھائی نہیں دی تھی، جس کے بعد ان کے بیٹے کی طلاق کی افواہیں پھیلی تھیں۔