شوہر نے بیوی کو پہاڑ سے کیسے پھینکا؟ دل دہلانے والی ویڈیو منظر عام پر آگئی

انقرہ(این این آئی) ترکی میں سفاک شوہر کے ہاتھوں پہاڑ سے نیچے پھینکی جانے والی بیوی کی ویڈیو منظر عام پر آگئی جس میں موت سے کچھ دیر قبل کے مناظر قید ہیں۔غیرملکی خبررساں ادارے کی رپورٹ کے مطابق سوشل میڈیا پر وائرل ہونے والی ویڈیو میں جوڑے کو پہاڑ کی چوٹی سے آہستہ آہستہ نیچے جاتے دیکھا جاسکتا ہے، یہ اس وقت کے مناظر ہیں کہ جس کے کچھ دیر بعد ظالم شوہر نے بیوی کو نیچے پھینک دیا تھا لیکن وہ لمحہ کیمرے کی آنکھ میں قید نہ ہوسکا۔ویڈیو سے یہ اندازہ لگایا جاسکتا ہے کہ شوہر نے

چالاکی سے بیوی کو پہاڑ کے اس حصےپر لے گیا جہاں اسے کوئی نہ دیکھ سکے اور پھر اس نے موقع دیکھ کر نیچے دھکیل دیا۔خیال رہے کہ یہ لرزہ خیز واقعہ ترک شہر مگلا میں پیش آیا تھا جہاں ہیکن نامی لالچی شوہر نے لائف انشورنس کی رقم ہتھیانے کے لیے مبینہ طور پر بیوی کو پہاڑ سے دھکیل کر موت کے گھاٹ اتار دیا تھا۔ترکی کے پراسیکیوٹرز کا کہنا تھا کہ یہ قتل جون سال 2018 میں ہوا تھا، ابتدائی طور پر شوہر نے اسے ایک حادثہ قرار دیا لیکن تحقیقات کے دوران انکشاف ہوا کہ ملزم نے مبینہ طور پر لائف انشورنس کی رقم حاصل کرنے کے لیے بیوی کو پہاڑ کی چھوٹی سے گرا کر مارا ہے۔

اپنا تبصرہ بھیجیں