شمالی وزیرستان میں سیکورٹی فورسز کی گاڑی پر حملہ

اسپن وام کے علاقے میں کیے گئے حملے میں 4 ایف سی اہلکار اور لیویز سب انسپکٹر شہید: آئی ایس پی آر

راولپنڈی (نیوز ڈیسک) شمالی وزیرستان میں سیکورٹی فورسز کی گاڑی پر حملہ۔ پاک فوج کے شعبہ تعلقہ عامہ آئی ایس پی آر کی جانب سے فراہم کردہ تفصیلات کے مطابق شمالی وزیرستان میں دہشت گردوں کی جانب سے سیکورٹی فورسز کی گاڑی کو نشانہ بنایا گیا۔

حملہ شمالی وزیرستان کے علاقے اسپن وام میں کیا گیا۔ حملے میں ایف سی کے 4 جوان اور ایک لیویز سب انسپکٹر جام شہادت نوش کر گئے۔ شہید ہونے والوں میں حوالدار اسحاق، حوالدار زاہد، لانس نائیک ولی، لانس نائیک المجید اور لیویز سب انسپکٹر جاوید شامل ہیں۔ شہداء کا تعلق چارسدہ، کرم، خیبر، کرم اور سپن وام سے ہے۔ علاقے میں دہشتگردوں کے خاتمے کے لیے کلیئرنس آپریشن جاری ہے۔

اپنا تبصرہ بھیجیں