کشمیر پریمیر لیگ کے لیے کھلاڑیوں کی رجسٹریشن کا آغاز ہو گیا، آئیکون پلیرز بھی لیگ کا حصہ بن چکے

اسلام آباد (این این آئی)کشمیر پریمیر لیگ کے لیے کھلاڑیوں کی رجسٹریشن کا آغاذ کر دیا گیا،شاہد آفریدی، بابر اعظم ،محمد حفیظ اور سرفراز احمد سمیت بطور آئیکون پلیئرز پہلے ہی لیگ کا حصہ بن چکے ہیں،کے پی ایل کے لیے پاکستانی انٹرنیشنل اور ڈومسیٹک پلیئرز کی رجسٹریشن کا آغاز کر دیا گیا،کشمیر پریمیر لیگ انتظامیہ کے مطابق رجسٹریشن کیلئے کرکٹرز لیگ کی آفیشل ویب سائٹ پر جا کر خود کو رجسٹرڈ کر سکتے ہیں،رجسٹریشن کا عمل دس روز تک جاری رہے گا،جس کے بعد ڈرافٹنگ کا عمل شروع ہو گا ،کرکٹرز کی رجسٹریشن کی آخریتاریخ یکم مارچ 2021ہے،کشمیر پریمئر

لیگ 16 سے 27 مئی تک مظفر آباد میں کھیلی جائیگی،کے پی ایل میں مظفر آباد ٹائیگرز ،میرپور رائلز،راولاکوٹ ہاکس،کوٹلی پینتھرز،باغ اسٹالینز اور اوور سیز واریئرز حصہ لیں گی.ہر ٹیم میں پانچ کشمیری کھلاڑی ٹیم کا حصہ ہوں گے، کشمیر پریمئر لیگ کے ٹرائل کا پہلا مرحلہ مکمل ہو چکا ہے جس میں ایک سو پچاس سے زائد کھلاڑیوں کا انتخاب کیا گیا ،دوسرے مرحلے میں ٹرائلز کے ذریعے ہی کھلاڑیوں کو شارٹ لسٹ کیا جائیگا،دوسرے مرحلے کے ٹرائلز کی تاریخ کا جلد اعلان کیا جائے گا۔

اپنا تبصرہ بھیجیں