32

پاکستان، مرگی سے بچاؤ کیلئے ‘برین پیس میکر ڈیوائس لگانے کا آغاز

پاکستان میں مرگی کے مرض سے بچاؤ کے لیے برین پیس میکر کی ڈیوائس لگانے کے عمل کا آغاز ہو گیا ہے۔

لاہور کے نجی اسپتال میں ماہر اسپائن ڈاکٹر آصف بشیر نے پشاور اور سندھ سے تعلق رکھنے والے 2 مریضوں کو برین پیس میکر ڈیوائس لگا کر ملک میں اس طریقہ علاج کی ابتدا کر دی ہے۔

ڈاکٹر آصف کے مطابق سوا گھنٹے کے آپریشن کے دوران برین پیس میکر ڈیوائس مریض کے جسم میں نصب کی جاتی ہے جبکہ پیس میکر کی بیٹری 5 سے 6 سال بعد تبدیل کی جاتی ہے ۔

یہ ڈیوائس مرگی کے ان مریضوں کو لگائی جاتی ہے جنہیں ادویات سے بھی افاقہ نہیں ہوتا ۔

ڈاکٹر آصف کا کہنا ہے کہ امریکا میں 20 سال سے یہ آپریشن ہو رہے ہیں، حکومت کو چاہیے کہ سرجیکل آلات پر ڈیوٹی ختم کرے تاکہ ملک میں آپریشن کی لاگت کم ہو سکے۔

کیٹاگری میں : صحت

اس خبر پر اپنی رائے کا اظہار کریں

اپنا تبصرہ بھیجیں