کراچی (این این آئی)مختصر وڈیو میں منفرد لہجے کے استعمال سے دنیا بھر میں مشہور ہونے والی دنانیر کے انداز کو اپنانے والے مشہور لوگوں کی فہرست طویل ہوتی جارہی ہے۔ اب اس لسٹ میں پاکستانی اداکارہ ماہرہ خان کا بھی اضافہ ہوگیا ہے۔ماہرہ خان نے انسٹاگرام پر دنانیر کیطرح مختلف انداز میں دوستوں کے ہمراہ پارٹی کی وڈیو پوسٹ کی جس میں مومل شیخ بھی شامل ہیں۔ماہرہ خان نے وڈیو پوسٹ کے ساتھ دنانیر کے لئے نیک تمنائوں کا اظہار بھی کیا۔ماہرہ خان کی وڈیو مداحوں کو بہت پسند آرہی ہے کیونکہ اس وڈیو کو کچھ ہی دیر میں
11 لاکھ سے زائد بار دیکھا گیا۔دوسری جانب دنانیر نے جیو نیوز سے گفتگو میں کہا کہ ویڈیو اتنی مقبول ہونے کا سوچا نہ تھا، ویڈیو پر بننے والی میمز پْر لطف ہیں۔ پرعزم ہوں کہ مستقبل میں مداحوں کے لیے مزید ویڈیوز بنائوں گی۔دنانیر کی طرح وڈیو بنانے والوں میں بھارتی اسٹارز دیپیکا پڈوکون اور شاہد کپور سمیت دیگر مشہور شخصیات اور عام لوگ بھی شامل ہیں جو اپنے اپنے انداز میں اس ٹرینڈ سے متعلق پوسٹ بنا رہے ہیں۔
