دھماکوں کے باوجود امریکی انخلا کی تاریخ میں توسیع نہیں ہوگی، طالبان

کابل(حالات نیوز ڈسک) افغان طالبان نے کہا ہے کہ کابل ایئرپورٹ پر ہونے والے دھماکوں کے باوجود امریکی فوجیوں کے انخلا کی تاریخ میں توسیع نہیں ہوگی۔میڈیارپورٹس کے مطابق ایک بیان میں طالبان نے کہا کہ کابل دھماکوں میں انہوں نے امریکی فوجیوں سے زائد اپنے بندے گنوائے۔ امریکہ کو اپنے انخلا مکمل کرنے کے لیے 31 اگست کی آخری تاریخ بڑھانے کی ضرورت نہیں ہے۔اس نقصان کے باوجود وہ امریکی افواج کے انخلا کی تاریخ میں توسیع نہیں کریں گے۔ طالبان نے مزید کہا کہ افغانستان کے تمام ایئر پورٹس پر واچ ٹاور قائم کیے جائیں گے۔ایک عہدیدار نے بتایا کہ کابل ایئرپورٹ بم دھماکوں میں طالبان کے کم از کم 28 ارکان جاں بحق ہوئے۔کابل ایئرپورٹ پر جمعرات کو کو ہونے والے دھماکے میں 13 امریکی فوجی سمیت 90 افراد جاں بحق ہوگئے۔ دہشت گرد تنظیم داعش نے ان دھماکوں کی ذمہ داری قبول کی ہے۔