شمالی وزیرستان میں ملٹری چیک پوسٹ پر دہشت گردوں کی فائرنگ سے سپاہی شہید ہوگیا۔
آئی ایس پی آر کے مطابق 29 سال کے شہید سپاہی شاہد کا تعلق بہاول نگر سے تھا۔
پاک فوج کے شعبہ تعلقات عامہ آئی ایس پی آر کا کہنا ہے کہ شمالی وزیرستان کے علاقے گڑیوم میں دہشت گردوں نے ملٹری چیک پوسٹ پر فائرنگ کی۔ فائرنگ کے تبادلے میں سپاہی شاہد شہید ہوگئے۔
آئی ایس پی آر کا کہنا ہے کہ علاقے میں دہشت گردوں کے خاتمے کے لیے کلیئرنس آپریشن جاری ہے۔
