اسلام آباد (ااسٹاف رپورٹر) اگر ہم اڈے دینے کیلئے تیار ہو جائیں تو آج ہی امریکی صدر جو بائیڈن کا فون آ جائے گا، مشیر قومی سلامتی ڈاکٹر معید یوسف نے بڑا دعوی کر دیا- تفصیلات کےمطابق شیر قومی سلامتی ڈاکٹر معید یوسف نے کہا ہے کہ امریکی صدر نے فون کرکے ڈو مور کہنا ہے تو نہ کریں، اگر ہم اڈے دینے کیلئے تیار ہو جائیں تو آج ہی جوبائیڈن کا فون آ جائے گا۔
یہ بات انہوں نے نجی ٹیلی ویڑن چینل کے پروگرام میں گفتگو کرتے ہوئے کہی۔ ڈاکٹڑ معید یوسف نے کہا کہ پاکستان چاہتا ہے افغان مسئلے کا سیاسی حل نکلے کیونکہ خانہ جنگی سے کوئی نہیں جیتے گا۔ ان کا کہنا تھا کہ افغان حکومت نے پاکستان سے متعلق غیر مناسب رویہ اپنایا ہے۔ امریکا نے کوئی ڈیڈ لائن ہم سے پوچھ کر نہیں دی۔ہم امریکا اور افغانستان کیساتھ اچھے تعلقات کے خواہاں اور مثبت بات چیت کیلئے ہمیشہ تیار ہیں۔ایک سوال کا جواب دیتے ہوئے مشیر قومی سلامتی کا کہنا تھا کہ افغانستان میں امن کا فیصلہ افغان فریقین کو کرنا ہے۔ ہم مزید افغان مہاجرین کا بوجھ برداشت نہیں کر سکتے۔ افغان سرحد پر باڑ لگانے کا عمل جاری ہے۔ کوشش ہے افغانستان میں معاملات مزید خراب نہ ہوں۔ انہوں نے کہا کہ قومی سلامتی اجلاس کا ایجنڈا صرف خطے کی صورتحال ہے۔ واضح رہے کہ امریکی سینیٹر لنزے گراہم نے اپنے ایک بیان میں کہا تھا کہ ہم پاکستانی قیادت سے رابطہ کیے بغیر افغانستان سے امریکی فوج کے انخلا کے موثر ہونے کے بارے میں کیسے سوچ سکتے ہیں، انہوں نے کہا کہ میں سمجھتا ہوں کہ افغانستان سے امریکی فوج نے انخلا میں پاکستان کو نظر انداز کرنا بہت بڑی تباہی ہے،یہ عراق سے بھی بڑی غلطی ہو گی- انہوں نے مزید کہا کہ مجھے یہ جان کر حیرانگی ہوئی کہ امریکی صدر جو بائیڈن نے ابھی تک وزیراعظم پاکستان عمران خان سے رابطہ نہیں کیا- پاکستان کے تعاون کے بغیر امریکا کا افغانستان سے انخلا غیر موثر ثابت ہو گا- یاد رہے کہ وزیراعظم عمران خان نے غیر ملکی ٹی وی کو دئے گئے انٹرویو میں کہا ہے کہ پاکستان امریکہ کو کسی بھی صورت اپنے ہوائی اڈے استعمال کرنے کی اجازت نہیں دے گا۔انہوں نے کہا تھا کہ ایسا ممکن ہی نہیں کہ پاکستان سی آئی اے یا امریکہ کی اسپیشل فورسز کو پاکستان کی سرزمین سے افغانستان میں کسی بھی قسم کی کارروائی کی اجازت دے-
متحدہ عرب امارات نے معاہدے کی خلاف ورزی پر کرکٹر عثمان خان کیخلاف تحقیقات کا آغاز کردیا
معدے کے بغیر زندگی گزارنے والی فوڈ بلاگر انتقال کر گئیں
عالمی منڈی کے زیراثر لوہے کی فی ٹن قیمت میں 22 ہزار روپے تک کمی
صاحبہ کی زندگی میں پہلی بار اپنے والد سے ملاقات، ویڈیو وائرل
وزیراعظم اور چیف جسٹس قاضی فائز عیسیٰ کی آج سپریم کورٹ میں ملاقات طے
پاکستان 2025-26ء کیلئے یو این سلامتی کونسل کی غیرمستقل نشست کیلئے امیدوار ہے
وزیراعلیٰ خیبرپختونخوا نے کابینہ کا اہم اجلاس آج طلب کر لیا
پیٹرولیم مصنوعات کی قیمتوں میں بڑے اضافے کا امکان
ماسکوحملہ،15سالہ مسلم لڑکے کو روس کا سب سے اعلی اسلامی ایوارڈ دینے کا اعلان
پی سی بی کے ڈائریکٹر لیگل بلال رضا عہدے سے مستعفی