آرمی چیف جنرل قمر جاوید باجوہ سے فیڈریشن آف پاکستان چیمبر آف کامرس اینڈ انڈسٹری کے وفد نے ملاقات کی۔
آئی ایس پی آر کے مطابق ملاقات میں ملک میں صنعتی و تجارتی ترقی میں ایف پی سی سی آئی کے کردار پر تبادلہ خیال کیا گیا۔
آرمی چیف نے پاکستان کی اقتصادی ترقی میں تاجر برادری کے کردار کو سراہا۔
آرمی چیف نے تاجر برادری سے پاک فوج کے مکمل تعاون کے عزم کا اعادہ کیا۔
آئی ایس پی آر کے مطابق وفد نے پاکستان میں خوشحالی کے ماحول کو یقینی بنانے کے لیے پاک فوج کی قربانیوں کو سراہا۔
