وزیر اعظم عمران خان سے مسئلہ کشمیر پر آج وزیر خارجہ شاہ محمود قریشی ملاقات کریں گے۔
وزیر خارجہ شاہ محمود قریشی نے کہا ہے کہ وہ وزیر اعظم عمران خان سے آج ملاقات کریں گے۔
انہوں نے کہا کہ ذہن میں کشمیر کا خاکہ ہے وہ پیش کریں گے، وزیراعظم نے منظوری دی تو اس پر عمل کر کے دکھائیں گے۔
علاوہ ازیں اقوام متحدہ کے دورے کے بعد پاکستان پہنچنے پر میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ وزیراعظم عمران خان نے جس مقصد کے لیے نیویارک روانہ کیا تھا، ﷲ کی مدد سے اُس میں کامیابی ہوئی ہے۔
