۔
اسلام آباد(کورٹ رپورٹر)سپریم کورٹ نے ایف آئی اے میں غیر قانونی بھرتیوں کے کیس کی سماعت میں قرار دیاکہ پبلک سروس کمیشن ٹیسٹ انٹرویو کے بغیر آنے والے تمام ملازمین فارغ کئے جائیں۔جسٹس اعجاز الحسن نے کہاکہ سپریم کورٹ نے 2001 میں تمام ملازمین کی بھرتی کیلئے تین ہدایات دی تھیں ان پر عمل کریں۔چیف جسٹس گلزار احمد نے ریمارکس دیے کہ عدالتی حکم کے مطابق تعیناتیاں پبلک سروس کمیشن کے ذریعے کی جائیں، ایف آئی اے کی رپورٹ نے تو سارا کٹہ چٹھہ کھول کر رکھ دیا ہے جبکہ ہائیکورٹ کا بھرتیوں کو قانونی قرار دینے کافیصلہ سپریم کورٹ کے فیصلے پر اسر انداز نہیں ہوسکتا ۔عدالت نے ملازمین کو فوری فارغ کرنے اور ڈی جی ایف آئی اے واجد ضیاءکو پندرہ دن میں رپورٹ جمع کرنے کا حکم دیا۔خیال رہے کہ ایف آئی اے کے ملازم نے غیر قانونی بھرتیوں کے خلاف درخواست دائر کر رکھی ہے جبکہ ہائیکورٹس نے ایف آئی اے ملازمین کی بھرتی کو قانون کے مطابق قرار دیا تھا۔
